Pessö - poeta dialettale alassino

(Santino Bruno Pezzuolo)


A-A ME ARASCE

Se ti avesci da pagò u Padretèrnu
pe tutte e bèlle côse ch'u t'ha dàu
tante palanche i nu ghe sarevan'n tèra
da cumpensò stu gran regallu fàu.

Quellu to çé de'n zaffiru ciü intènsu,
u sù che russu u brilla da rubìn,
u verde de'n smeraldu di ciü vivi
müxica i fan pe u sòn de `n cherübin.

E sciure dai fantastichi curùi,
u mò ch'u canta in ta sc-ciümma d'unda
meraveiusu soggnu all'öggiu i muscian
pe `na vixiun celèste e bèn prufunda.

O Arasce d'Adelasia, punèntina,
nìu d'amù, giuièllu de sta tèra
nu sta a sentì chi cattiverie u çerca.
Teggnite a poxe luntan, luntan da-a guèra.

Alassio vista da S. Croce

Alassino d'Oro 2004


[logo]

Visitatori ad oggi :